Die bekende skrywer en joernalis, Jan van Tonder, het met passie en oorgawe daarin geslaag om die aand van6 September 2012, ‘n baie besondere aand vir almal te maak. Die maandelikse literere aand van The Rose on York Restaurant , was weereens ‘n dawerende sukses. So tussendeur die tamatiesop, vars geelbek en volstruisstuitjie het Jan voorlesings gedoen en stories vertel oor sy roemryke loopbaan. Dit was veral sy vertellings oor Roepman wat die gehoor se monde laat oophang het. Met Franҫois Ferreira wat die balans gehandhaaf het tussen gange en voorlesings, het die aand vlot verloop tot duskant middernag. Jan se werke oor jare dra een besondere tema wat nooit vergeet mag word nie, doen iets aan ongeregtigheid.
