Ek vind dat daar nog lede van die publiek is wat nie die waarde van Inkomste Beskerming ten volle begryp nie.
Kom, ek verduidelik dit op ‘n ander, simplistiese manier:
Beskou jou “lewe” soos ‘n tafel met 4 pote. Die ideaal sou wees om die tafel stewig op sy 4 pote te laat staan. Ongelukkig is dit nie vir almal beskore nie, en gaan die lewenstafels maar wankelrig daaruit sien,Sien asseblief ook die aangehegde skematiese voorstelling.
Indien ons na die 4 pote individueel kyk, in prioriteite:
1. Lewens & Ongeskiktheid:
· Die heel belangrikste hier is beslis Tydelike en Permanente Inkomste Beskermer. Indien jy nie die vermoë het om jou inkomste te verseker ten tye van tydelike ongeskiktheid nie, kan geen van die ander voordele in stand gehou word nie.
· Doodsdekking is uiters belangrik om die geliefdes wat nagelaat word na dood te versorg en hulle nie nalaat met kopsere in plaas van gemoedsrus nie. Hier moet boedelbelasting ook in ag geneem word.
· Enkelbedrag Ongeskiktheid sal benodig word vir lewensstyl aanpassings.
· Trauma of Gevreesde siekte dekking word baie maklik oor die hoof gesien met die skouer –optrek houding van “Ek kom uit ‘n gesonde familie”. Ongelukkig vra die siektes nie hoe lyk jou stamboom nie.
· Mediese Fondse is beskikbaar vir elkeen van ons. Moenie wag totdat jy so swaar belaai word sodat jy dit werklik nie kan bekostig nie
2. Aftreebeplanning:
· Dit is van kardinale belang om so vroeg in jou lewe as moontlik te begin beplan vir jou aftrede. Hoe langer jy uitstel, hoe duurder gaan dit word om jou doelwitte te bereik.
· Menige kere is jou pensioen/voorsorgfonds nie genoeg om vir jou aftrede te voorsien nie.
· Uittree-annuiteite is steeds ‘n koste-effektiewe produk wat spesiaal ontwikkel is om hierdie doel te dien.
· Spaarplanne kan effektief gebruik word om inkomstes aan te vul by aftrede
3. Welfaartskepping:
· Spaarplanne – Gedissiplineerde metode van spaar vir ‘n spesifieke doel.
· Effektetrust Beleggings – Medium tot langtermyn beleggings
· Noodfonds – Vir daardie onvoorsiene uitgawes soos jou motor se enjin wat oppak, jou kind wat in finansiële verknorsing is, ouers wat dringend hulp nodig het, ens.
a) Geldmark – Dit is nie die “beste” belegging wat gedoen kan word nie, maar die fondse is vining bekombaar.
b) Oortrokke bank fasiliteit – Dis maklik bekombaar, maar dit moet weer terugbetaal word teen hoë rentekoerse.
c) “Access Bond” – Is altyd handig, maar kan baie duur wees op die lang duur.
d) Kredietkaarte – Gerieflik, maar baie duur.
4. Beleggings:
· Die korrekte belegging, wat pas by die risikoprofiel van die kliënt, kan gemoedsrus bring vir aftrede en nalating. Daar is verskeie beleggingsvoertuie wat hiervoor gebruik kan word.
Noudat ons na die 4 pote van die tafel gekyk het, en ons besef die ideale situasie, moet ook besef word dat al hierdie planne slegs in plek kan kom indien daar voorsiening gemaak is vir Tydelike en Permanente Inkomste Beskermer.
Sonder die voorsiening van Inkomste Beskerming loop jy die risiko om alles wat jy so sorgvuldig bymekaar gesit het, te verloor.
Ek glo dat die korrekte manier om jou ongeskiktheidsdekking te “ontwerp”, is om eerstens Tydelike Ongeskiktheid in plek te stel, dan Permanente Ongeskiktheid, sodat individuele die kombinasie van beide voordele kan geniet. Tydelike Inkomste Beskermer verseker ook dat jou inkomste beskerm is tydens die wagperiode vir permanente ongeskiktheid.
Kontak my by 081 270 5802, sodat ons ‘n afspraak kan maak om jou persoonlike LewensTafel in meer detail te bespreek.
Vriendelike groete
Andries Maree
Email: Andries.Maree@4Sure.co.za
P/A: 4-Sure Administrators cc. **
Box / Bus 2363, George, 6530
Wicam Building/Gebou, 26 Wellington Street, George, 6529
Cell: 081 270 5802
Tel: +27 (0)82 251 0698
Fax: 086 274 1004 &
+27 (0)88 044-873 3019
